ང་ཚོ་བོད་པ་ཚོས། གཅིག བོད་པ་ཆུང་ཆུང་ཞིག་གི་སྐབས་ནས། རྦད། འབུ་མ་གསོད། སྙིང་རྗེ་གི་རེད་ཟེ་བྱས་ནས་བཤད་ཡག་གི་ང་ཚོར་གོམས་གཤིས་ཤིག་ཡོད་རེད། ཆུང་ཆུང་སྒང་ནས། ཨ་ནི། ང་ཆུང་ཆུང་སྐབས་ལ་མར་གི་སྐུ་འབུམ་ལ་ཡོད་དུས་ཙ་ནས། འདིར་ད་ལྟ་འདི་གཅིག་ཡོད་རེད། ཨེ་་་་་ལྷ་ཁང་ཞིག ངས་འདི་བར་ཕར། ང་དེ་དུས་ཕལ་ཆེར་ལོ་གསུམ་ཚོད་མིན་འགྲོ གསུམ་བཞི་ཚོད་མིན་འགྲོ ཆུང་ཆུང་རེད། ང་དེ་བར་ཕྱིན་པའི་ཁ་ཐུག་ལ། རྦད་པུ་གུ་དེ་འདྲས། གྲྭ་ཆས་གྱོན་བསྡད་པའི་ཆུང་ཆུང་དེ་འདྲས་གིས། ཨ་ནི་ཕྱག་འཚལ། ཕྱག་བཙལ། ཨ་ནི། ཨ་ར་པ་ཙ་བགྲང་གི ཨོཾ་ཨ་ར་པ་ཙ་ན་དྷཱི༔ ཨོཾ་ཨ་ར་པ་ཙ་ན་དྷཱི༔ ཨོཾ་ཨ་ར་པ་ཙ་ན་དྷཱི་ཟེ་བྱས་ནས། ངས་ཀྱང་འདི་བགྲང་མྱོང་། ཨ་ནི་པུ་གུ་ཚོས་བགྲང་བསྡད་ཙང་། ངས་ཀྱང་དེའི་ལན་ཟློས་བྱས་བྱས། དོན་དག་གལ་ཤེས་ཀྱི་ཡོད་མ་རེད་པ། ཨ་ནི་ལན་ཟློས་བྱས་ནས། ཨོཾ་ཨ་ར་པ་ཙ་ན་དྷཱི༔ ཨོཾ་ཨ་ར་པ་ཙ་ན་དྷཱི༔ ཨོཾ་ཨ་ར་པ་ཙ་ན་དྷཱི་ཟེ་བྱས་ནས། ངས་ཆུང་ཆུང་སྒང་ནས། ད་གང་ལྟར་ང་ཚོ་བོད་པའི་གོམས་གཤིས་ཤིག་རེད་འདུག་ག འབུ་མ་གསོད། གཅིག གཞན་ཕན་གྱི་བློ་སྒྲུབ་ཟེར་ཡག་ཅིག་དང་། རྗེ་བཙུན་འཇམ་དཔལ་དབྱངས། གཞོན་ནུའི་ཆ་ལུགས་འཆང་བ་པོ། ཤེས་རབ་སྒྲོན་མེ། འཇིག་རྟེན་གསུམ་གྱི་མུན་སེལ་བ་ཟེ་བྱས་ནས། ང་རང་ཚོའི་བློ་ཡི་སྐྱོན་གྱི་རིགས། གཅིག མ་རིགས་པའི་དབང་གིས་བྱུང་བའི་བློ་ཡི་སྐྱོན་འདི་གད་དེ་ཚང་མ་ལོ་ཕར་སེལ་ཡག་གི་རྗེ་བཙུན་འཇམ་དཔལ་དབྱངས་ཀྱི་ད་བྱིན་རླབས་ཡོང་ཡག་ཟེར་ཡག་ཅིག ང་ཚོ་བོད་པ་ཚོ་ཆུང་ཆུང་སྒང་ནས་གོམས་གཤིས་ཡོད་བསྡད་པ་ཞིག་རེད་འདུག་ག དེ་ང་ཚོ་བསྐལ་པ་བཟང་པོ་རེད། ད་་་་ད་ང་ཚོ་མི་རབས་གསར་པ། འདི་ནས་ཚུར་ལུང་པ་གསར་པ་ལ་སླེབས་ནས་ཡོང་ནས་ང་རང་ཚོ་བོད་པའི་ཡ་རབས་ཀྱི་གོམས་གཤིས་འདི་གད་འདི་ནམ་ཡང་བརྗེད་དུ་རྒྱུ་ཡོད་མ་རེད། 

མིའི་བདེ་སྐྱིད་ཟེར་ཡག་འདི། འགོ་ཚུགས་ཡག་དེ་ཨ་མའི་ཁོག་པའི་ནང་ནས། ང་ཚོ་མར་སྐྱེས་ནས། ཨ་ནི་ཨ་མས་འོ་མ་སྦྱིན་པའི་ཐོག་ནས་ང་ཚོ་མི་ཚེ་འདུག་ཟེ་འགོ་ཚུགས་པ་རེད། བྱས་ཙང་ཀ ཨ་མའི་བྱམས་བརྩེའི་འོག་ནས་ང་ཚོ་མི་ཚེ་འདི་འགོ་ཚུགས་པ་རེད། བྱས་ཙང་ཀ ད་གང་ལྟར་ང་ཚོའི་མི་ཚེ་གང་པོ་འདི། ཨ་མའི་བྱམས་བརྩེའི་འོག་ནས་བདག་པོ་སྐྱོན་བཞག་པ། ད་འདི་གིས་ང་རང་ཚོའི་ཚོར་བ་དེ་མ་ཉམས་པར་བྱས་བྱས། གང་ལྟར་ཚེ་རབས་ནས་ཚེ་རབས། དེ་མེད་ན་ཡང་། མི་ཚེ་འདི་གའི་ནང་ལ་ཡ་ང་རང་ཚོ་ཚང་མ་ལོ་སེམས་པ་བཟང་པོར་བྱེད་ཡག་དེ་དཔེ་གལ་ཆེན་པོ་རེད་ཤག ཆོས་ཁས་བླངས་ནའི་རེད། ཆོས་ཁས་མ་བླངས་ནའི་སེམས་པ་བཟང་པོ་བྱེད་དགོས་ཡག་འདི་ཞེ་པོ་ཞིག་གལ་ཆེན་པོ་རེད་འདུག་ག 

སྐད་ལ་ཆ་བཞག་ན། འཛམ་བུ་གླིང་འདིའི་སྒང་ལ་སྐད་མི་འདྲ་བ་སྟོང་ཕྲག་ཡོད་རེད། འདི་བོད་སྐད་རྐྱང་རྐྱང་རེད་འདུག་ག རེད་ད། ཚད་མའི་འགྲོ་སྟངས་འདི་ཏག་ཏག རྦད། ཚིག་ཕ་གིར། ག་རེ་ཟེར་དགོས་རེད། ཕར་གིར་རྦད་ཇི་མ་ཇི་བཞིན། ཕར་གིར་བརྗོད་པ་སྒྲ་དག་པོར་བྱས་ནས། གསལ་པོར་བྱས་བཤད་ཐུབ་ཡག་དེ་བོད་སྐད་གཅིག་པོ་རེད་ཤག བྱས་ཙང་འདི་འདྲས་ཟེ་བསམ་བློ་བཏང་ཡོང་དུས། ང་ཚོ་བོད་ཀྱི་སངས་རྒྱས་ཀྱི་ཆོས་འདི་ཕྱོགས་གཅིག་ནས་ཐེག་པ་ཆེ་ཆུང་སྔགས་དང་བཅས་པ་ཆ་ཚང་པ་ཞིག་རེད་ལ། སྐད་ཡིག་འདི་ཡས་རིགས་ལམ་སངས་རྒྱས་པའི་ཆོས་ཡོངས་སུ་རྫོགས་པ་འགྲེལ་བཤད་རྒྱག་ཡག་གི་སྐད་དེ་བོད་སྐད་རྐྱང་རྐྱང་རེད་མ་གཏོགས། སྐད་ཡིག་གཞན་དག་ཅི་ཡང་ཡོད་མ་རེད། ལེགས་སྦྱར་སྐད་ནི། ད་མཁས་པ་འགའ་ཤས་ཀྱིས་བེད་སྤྱོད་བྱེད་ཡག་མ་གཏོགས་ཡོད་མ་རེད་པ། བྱས་ཙང་འདི་འདྲས་ཡིན་དུས། འདི་གད་འདུག་ཟེ་བསམ་བློ་བཏང་ཡོང་དུས་ང་རང་ཚོ་བོད་པའི་མི་རིགས་ཀྱི་སྐད་ཡིག ཨ་ནི་ལོ་སྟོང་ཕྲག་རིང་ལ་ཡ་སངས་རྒྱས་པའི་ཆོས་ལ་ཡ། ང་ཚོ་དངོས་གནས་རང་། གཅིག་་་་འཛིན་སྐྱོང་སྤེལ་གསུམ་བྱེད་ཡག་འདི་གད་འདི། དངོས་གནས་དྲང་གནས་ཀྱི་རླབས་ཆེན་རེད་ཤག ཨ་་་་ད་སློབ་ཚན་གཞན་དག་ནང་ལ་ང་ཚོ་བོད་ཡིག་ཡར་རྒྱས་འགྲོ་ཡག་གི་གོ་སྐབས་བྱུང་ཡོད་མ་རེད། འོ་ད་སངས་རྒྱས་པའི་ཆོས་དང་འབྲེལ་བསྡད་པ། ལྟ་གྲུབ་དང་འདི་གད་དེའི་རྣམ་གཞག་ནང་ལ་བོད་ཡིག་འདི་བོད་སྐད་འདི་ཡར་རྒྱས་འགྲོ་ཡག་གི་གོ་སྐབས་བྱུང་པ་རེད། ལེགས་སྦྱར་གྱི་སྐད་ཡིག་དང་མཉམ་པར་བྱས་ནས་འགྲོ་ཐུབ་མཁན་གྱི་སྐད་ཡིག་ཅིག་ཆགས་བསྡད་པ་དེ་ང་ཚོ་བོད་པའི་གཟི་བརྗིད་རེད། ཤེས་སོང་ང་། ང་ཚོ་སྤོབས་པ་སྐྱེ་ཡག་ཅིག་རེད་ཤག འདི་ང་གཞོར་འཕྲོས་ཡིན།